ധൂര്ത്തിന്റേയും, ആര്ഭാടത്തിന്റേയും, പരമപര്യായമായിത്തീര്ന്നിരിക്കുന്നു
തിരുസഭയും, അതിലെ പുരോഹിതവര്ഗ്ഗമായ വൈദീകരും.
കോടിക്കണക്കിനു വരുന്ന ലോകജനതയുടെ വിശപ്പ് അവര് ഒരിക്കലും, ഒരിടത്തും, തെല്ലും പരിഗണിക്കുന്നതേയില്ല.
ജനിക്കുമ്പോള് തങ്ങള് സ്വന്തം കയ്യില് യാതൊന്നും വെച്ചുകൊണ്ടല്ല ഈ
ലോകത്തിലേക്ക് വന്നതെന്നും, ഇവിടെ സ്വന്തം ആര്ഭാടങ്ങള്ക്കു വേണ്ടി
തങ്ങള് ചിലവിടുന്ന കോടാനുകോടികള് വെറും പട്ടിണിപ്പാവങ്ങളില് നിന്നും
തങ്ങള് മോഷ്ടിച്ചെടുക്കുന്നതു മാത്രമാണെന്നും, അവര് അറിയാഞ്ഞിട്ടല്ല.
പക്ഷെ അവരുടെ കല്ലുപോലുള്ള മനസ്സ് തെല്ലും പശ്ചാത്തപിക്കുന്നതേയില്ല!
ക്രിസ്തുവിന്റെയും, ഗാന്ധിയുടെയും, വസ്ത്രധാരണത്തെ പറ്റി നമുക്കൊക്കെ
ഇപ്പോഴും ഒരു ചെറിയ ധാരണയും, കേവല സങ്കല്പ്പവുമൊക്കെ ഉണ്ടല്ലോ?
എന്നാല് ചില പരാന്നഭോജികള്ക്ക് അതെപ്പറ്റി വലിയ അറിവില്ലെന്നു തോന്നും
അവരുടെ ധൂര്ത്തും, മോടിയും, കണ്ടാല് ! പക്ഷെ മരപ്പണിക്കാരനായ ഒരുവന്റെ
മകനായ ക്രിസ്തുവിന്റെ പേരില് പണിത പ്രസ്ഥാനമാണ് തിരുസഭയെങ്കില് ,
അതിന്റെ പ്രതിനിധികളുടെ ജീവിതത്തില് അല്പമെങ്കിലും ലാളിത്യം കാണുമെന്നു
നാം പ്രതീക്ഷിച്ചേക്കും. ആ പ്രതീക്ഷകളാണിവിടെ തകര്ന്നിരിക്കുന്നത്.
കൊട്ടാരതുല്ല്യമായ മണിമേടകള് ! കോടികള് വിലവരുന്ന വസ്ത്രങ്ങള് !
പണംകൊണ്ട് മദിച്ചുനടക്കുന്ന ഇവരൊക്കെ പക്ഷെ പറയുന്നതോ?
അത് പട്ടിണിക്കാരന്റെ സുവിശേഷവും! കൊടിയ കാപട്യം! തനി വഞ്ചന!
paranjathile udhesha shudhiye maanikkunnu
ReplyDelete